तेमाल १० मंसीर : काभ्रेको तेमाल गाउँपालिका वडा नं ९ सुनकोशी नदीको ठूलोटार देभानमा एक अपरिचित महिलाको लास फेला परेको छ । जिल्ला प्रहरी कार्यालय काभ्रेका अनुसार परिचय नखुलेको अन्दाजी ५० ५५ वर्षकी महिलाको लास फेला परेको हो ।

प्रहरी चौकी पचवारघाट र जिल्ला प्रहरी कार्यालय काभ्रेबाट खटिएको प्रहरीको टोली लास भएको स्थानमा पुगेर लासको चेक जाँच प्रकृति मुचुल्का गरे पनि लास कस्को हो भन्ने पत्ता नलागेको प्रहरीले जनाएकोे छ ।

लासलाई पोष्टमार्टमका लागि बनेपा शिरमेमोरियल अस्पतालको शवगृहमा राखिएको छ । लासको भने हुलिया वर्ण गोरो, कपाल कालो लामो पालेको, कानमा सुनको जस्तो देखिने गहना लगाएको, शरीरमा रातो कुर्ता, उनीको चोलो लगाएको, कम्बरमा सेतो कपडाको पटुका बाँधेको, शरीरको छालाहरु सडीगली खुईलिएको,४ फिट ८ इन्च अग्लो रहेको जिल्ला प्रहरी कार्यालय काभ्रेले जनाएको छ ।