सानोठिमी क्याम्पसको जग्गा भाडा सम्झौता रद्द
काठमाडौैँ, ९ मङ्सिर: शिक्षा, विज्ञान तथा प्रविधि मन्त्रालयले भक्तपुरस्थित सानोठिमी क्याम्पसले लगाएको जग्गा भाडासम्बन्धी सम्झौतालाई रद्द गरेको छ । शिक्षा, विज्ञान तथा प्रविधिमन्त्री गिरिराजमणि पोखरेलले आज जग्गा भाडामा दिने सम्झौता रद्द गर्ने मन्त्रीस्तरीय निर्णय गर्नुभएको उहाँका सञ्चार सल्लाहकार सुनिल खड्काले जानकारी दिनुभयो ।
विवादित ढङ्गले कम रकममा जग्गा भाडामा लगाएको पाएपछि मन्त्री पोखरेलले सो निर्णय गर्नुभएको हो । तत्कालीन शिक्षा, संस्कृति तथा समाज कल्याण मन्त्रालय, भण्डार तथा सम्पत्ति व्यवस्थापन शाखाको २०५२ असार २३ को निर्णयअनुसार सो क्याम्पसलाई जग्गाको स्वामित्व नेपाल सरकारसँग नै रहने गरी प्रदान गरिएको थियो ।
