Logo

गजुरमुखीमा कात्तिके मेला शुरू



मङ्गलबारे, ६ मङ्सिर : इलामको पश्चिमी प्रसिद्ध धार्मिकस्थल गजुरमुखीमा परम्परागतरूपमा लाग्दै आएको जिल्लाकै ठूलो मेला शुरु भएको छ । हरेक वर्ष कात्तिक पूर्णिमाका दिन यहाँ विभिन्न क्षेत्रबाट दर्शनार्थीको बाक्लो उपस्थिति हुन्छ । गजुरमुखी विकासमञ्च माङसेबुङ गाउँपालिकाको आयोजनामा शुरू भएको मेलामा शुक्रबार बिहानैदेखि पूजापाठ गर्नका लागि भक्तजनको भीड लागेको गाउँपालिका अध्यक्ष डिकेन्द्र इदिङ्गोले जानकारी दिनुभयो ।

गजुरमुखी पुगेका भक्तजन र पर्यटक स्थानीय गजुरमुखी मन्दिर नजिकै रहेको फाँटिलो खेतमा ठाउँठाउँमा अस्थायी टहरा बनाएर जाग्राम बस्न थालेका छन् । प्रसिद्ध धार्मिकस्थल गजुरमुखीमा दर्शनका लागि इलाम, झापा, पाँचथर, ताप्लेजुङ, मोरङ, सुनसरी तथा भारतको दार्जिलिङ, कालेम्पोङलगायतका स्थानबाट भक्तजन आएका छन् । तीन दिनसम्म लाग्ने मेलामा सांस्कृतिक कार्यक्रम, मन्दिरमा पूजाआजाका साथै फुटबल प्रतियोगितासमेत आयोजना गरिएको छ ।

गजुरमुखी धाममा पूजा अर्चना गरे मनोकाङ्क्षा पूरा हुने विश्वास आम भक्तजनमा रहेको छ । निःसन्तानले गजुरमुखीमा आएर भाकल, पूजा अर्चना गरेपछि सन्तान प्राप्त गरेको विश्वासमा पुनः गजुरमुखी आएर नियमित पूजापाठ गर्ने गरेको स्थानीयवासी कृष्ण बुढाथोकीले बताउनुभयो । उक्त मन्दिरभित्र पूजापाठ गर्नका लागि मन्दिरभित्र प्रवेश गरेपछि पछाडि नफर्की बाहिरिँदा पुण्य कमाइने विश्वास गरिन्छ । मेलामा आएका युवामा धान नाचेर विवाह गर्ने प्रचलनसमेत रहिआएको छ । गजुरमुखी देवीको उत्पत्ति करीब २५० वर्षअघि भएको स्थानीयवासी बताउँछन् ।
-रासस

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार