Logo

कास्कीका तीन शैक्षिक संस्था निर्माण



काठमाडौँ, १ मङ्सिर : भारतीय सरकारको सहयोगमा कास्कीका तीनवटा शैक्षिक संस्था निर्माण गरिएको छ । दूतावासको सहयोगमा निर्मित कास्कीको लेखनाथ नगरपालिकास्थित सरस्वती टीका उच्च माध्यमिक विद्यालयको आज उद्घाटन गरिएको छ । संस्कृति पर्यटन तथा नागरिक उड्डयनमन्त्री रवीन्द्र अधिकारी र भारतीय दूतावासका मिशन उपप्रमुख डा अजय कुमारले संयुक्तरुपमा उद्घाटन गर्नुभयो ।

यहाँस्थित भारतीय राजदूतावासका अनुसार आजै डा अजय कुमारले लक्ष्मी आदर्श महुमुखी क्याम्पस र श्री गुप्तेश्वर महादेव महुमुखी क्याम्पस कास्कीको पनि नवनिर्मित भवन उद्घाटन गर्नुभयो । सरस्वती टीका उच्च माध्यमिक विद्यालय रु तीन करोड ७० लाखमा भारतीय सहयोगमा निर्माण गरिएको होे । राष्ट्रिय परीक्षा बोर्डसँग आबद्ध उक्त विद्यालयले १०+२ तहका विभिन्न कार्यक्रम प्रदान गर्दै आएको छ । कास्की जिल्लाको प्रतिष्ठित उक्त विद्यालयले त्यहाँ अध्ययनरत विद्यार्थीहरुलाई गुणस्तरीय शिक्षा प्रदान गर्दै आएको छ । सो विद्यालयमा अध्ययनरत झण्डैै एक हजार १०० विद्यार्थीमध्ये ४५ प्रतिशत छात्रा छन् ।

त्यसैगरी रु चार करोड ८० लाखको लागतमा लक्ष्मी आदर्श बहुमुखी क्याम्पसको निर्माण भएको हो । त्रिभुवन विश्वविद्यालयसँग आबद्ध रहेको उक्त क्याम्पसले शिक्षा सङ्कायमा स्नातक तहसम्म चार वर्षे पूर्णकालीन कार्यक्रम एवं १०+२ तहमा व्यवस्थापन, शिक्षा र मानविकी सङ्कायमा पनि सेवा प्रदान गर्दै आएको छ । रु चार करोड १० लाखमा गुप्तेश्वर महादेव बहुमुखी क्याम्पसको निर्माण भएको हो । बिएड, बिबिएस र एमबिएस सङ्कायको अध्यापन गराउँदै आएको छ । नवनिर्मित संरचनाहरुसँगै दूतावासले सभाहल, कम्प्युटर ल्याब, पुस्तकालयको समेत व्यवस्था गरेको जनाएको छ ।

भौतिक पूर्वाधार निर्माण तथा आवश्यक उपकरणहरुको व्यवस्थाले ती क्याम्पसहरुमा अध्ययन गर्ने वातावरण थप ऊर्जाशील बन्नुका साथै कास्की, स्याङजा, पर्वत, म्याग्दी र तनहुँ जिल्लाका थुप्रै विद्यार्थीका लागि शिक्षाको पहुँच पनि सुनिश्चित गर्ने दूतावासले विश्वास लिएको छ
-रासस

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार