Logo

पाटन सङ्ग्रहालय स्थापनाको २१ वर्ष पूरा



काठमाडौँ, २७ कात्तिक: विश्व सम्पदा सूचीमा सूचीकृत पाटन दरबार क्षेत्रमा रहको पाटन सङ्ग्रहालय स्थापना भएको २१ वर्ष पूरा भएको छ । पछिल्लो समय नेपालका ऐतिहासिक सम्पदाको स्थलगत अवलोकन गर्नेको संख्या वृद्धि हुँदै गएको छ । गत आव २०७४÷७५ मा दुई लाख ३२ हजार ५९४ जनाले पाटन सङ्ग्रहालयको अवलोकन गरेको सङ्ग्रहालयका अधिकृत सुरेशमान लाखेँले जानकारी दिनुभयो । पछिल्लो समय उल्लेख्य सङ्ख्यामा विदेशी पर्यटकले समेत पाटन सङ्ग्रहालयको अवलोकन गरेका छन् । आव २०७३÷०७४ मा एक लाख ७६ हजार ९०६ जनाले सङ्ग्रहालयको अवलोकन गरेका थिए । जसमा एक लाख आठ हजार ८२८ विदेशी पर्यटक रहेका थिए ।

विकास समिति ऐन, २०१३ अनुसार विसं २०५३ मा पाटन सङ्ग्रहालय विकास समिति गठन गरी विसं २०५४ कात्तिक १२ गतेदेखि सञ्चालनमा आएको हो । सन् १९८३ देखि १९९७ सम्म विश्व सम्पदा सूचीकृत अनेक सङ्ख्यामा मूर्त एवं अमूर्त सांस्कृतिक सम्पदा रहेको पाटन दरबारमा पुरातत्व विभाग र अष्ट्रियाली सरकारको प्राविधिक तथा आर्थिक सहयोगमा संरक्षणको काम भएको थियो ।

नेपाली साँस्कृति एवं परम्परागत मूर्तिकला तथा वास्तुकलालाई प्रदर्शनीको माध्यमबाट नेपाली नागरिक तथा विश्वसामु परिचित गनराउनु मुख्य उद्देश्य भएको सङ्ग्रहालयले जनाएको छ । विसं २०७२ को ‘गोरखा भूकम्प’बाट पाटन सङ्ग्रहालय रहेको केशवनारायण चोकस्थित पाटन दरबारको गाह्रोमा क्षति पुगेको थियो । अहिले पनि यसको संरक्षण जारी छ । सङ्ग्रहालय संरक्षणका लागि राष्ट्रिय पुनःनिर्माण प्राधिकरण, संस्कृति मन्त्रालय, पुरातत्व विभाग एवं युनिभर्सिटी अफ एप्लाइड आर्टस् भियनामार्फत अष्ट्रेलियन विकास नियोग (एडिए) को सहयोगमा संरक्षणको कार्य भइरहेको छ ।

एडिएको आर्थिक सहयोग एवं वैकल्पिक ऊर्जा प्रवद्र्धन केन्द्रको प्राविधिक सहयोगमा रु चार लाख ६२ हजार ६०७ को लागतमा सङ्ग्रहालयको सम्पूर्ण प्रदर्शनीकक्ष सौर्य ऊर्जाबाट सञ्चालन हुने व्यवस्था मिलाइएको छ । सङ्ग्रहालय विस्तारका क्रममा काठमाडौँ उपत्यका संरक्षण कोषको सहयोगमा मूलचोकमा तीनवटा प्रोजेक्टर रहेको श्रव्यदृश्य कक्ष खुला गरिएको छ । यसमा करीब २०० वर्ष अघिको ‘फिलिडेपा म्युजियम’ को सङ्ग्रहमा रहेको नेपालको पौभा कलाको उत्कृष्ट नमूनाका रुपमा गोसाइँकुण्ड यात्राको सन्दर्भमा कोरिएको पौभाचित्रलाई प्रदर्शनी गरिएको छ ।
-रासस

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार