Logo

काभ्रे क्याम्पसको दादागिरी माथि स्थानीयको डोजर प्रहार



बनेपा २० कार्तिक : काभ्रेको बनेपा नगरपालिका वडा नं ६ बुडोलमा रहेको काभ्रे बहुमुखी क्याम्पसको दादागिरी तोड्न स्थानीयले डोजर प्रहार गरेका छन् । काभ्रेको पुरानो क्याम्पस काभ्रे बहुमुखी क्याम्पस र नगरपालिकाबीच भवन

निर्माण आचार संहिताका विषयमा विवाद बढेपछि स्थानीयले डोजर लगाएका हुन् । क्याम्पसले मापदण्ड विपरित भवन निर्माण कार्यलाई अगाडि बढाएपछि नगरपालिका र क्याम्पसबीच असमजदारी बढेको छ ।

काभ्रे क्याम्पसले स्थापना कालदेखि नै बस्तीलाई अवरोध हुनेगरी अग्लो पर्खाल निर्माण गरेको थियो । जसले गर्दा क्याम्पसको पूर्वी कुनातर्फका स्थानीयले निकासको समस्या व्यहोरिरहेका छन् ।

क्याम्पसले पछिल्लो समय मापदण्ड तथा भवन निर्माण आचारसंहिता विपरित नक्सा नै पास नगरी पुस्तकालय बनाउन थालेको थियो । यसरी भौतिक संरचना निर्माण गर्न थालेपछि शैक्षिक संस्थाको समेत संरक्षण गर्ने अधिकार पाएको स्थानीय तहले त्यसो नगर्न सुझाएको थियो ।

पटक-पटक वडा कार्यालयबाट नक्सा पास नगरीकन निर्माण कार्य रोक्का गर्न भनी रोक्का पत्र समेत बनेपा नगरपालिका वडा नं. ६ ले दिंदा कानुनको अवज्ञा क्याम्पसले गरेको स्थानीयले बताएका छन् ।

स्थानीयबासी क्याम्पसबाट प्रचलित स्थानीय नियमावलीको समेत धज्जी उडाएर निर्माण कार्यलाई निरन्तरता दिएको बताउँछन् । जनप्रतिनिधि समेत क्याक्पसले जवरजस्ती गरेको स्वीकार गर्छन् ।

त्यसो त नगरपालिकाका कार्यकारी अधिकृतले पनि नक्सा पास नगरी निर्माण कार्य नगर्नु र निर्माण थालिएको कार्य तुरुन्त बन्द गरी मापदण्ड तथा आचारसंहिता पालना गर्न नभनेका होइनन् तर पनि क्याम्पसले अटेर गरेको नगरपालिका श्रोत बताउँछ ।

जे गर्न सक्नुहुन्छ त्यो गर्नुस आचारसंहिता र मापदण्ड क्याम्पसलाई लाग्दैन भन्दै निर्माण कार्यलाई निरन्तरता दिइरहेपछि क्याम्पसको पर्खालमा वडाको रोहवरमा उपभोक्ता समितिले डोजर चलाई दिएको थियो ।

काभ्रे क्याम्पसले भोकाधिकार गरेको जग्गा समेत नेपाल सरकारको हो । यसको संरक्षण र संवद्र्धन गर्ने, जनताको सन्धी सर्पण र समस्याको निकास दिने सम्बन्धित स्थानीय सरकारको दायित्व हुने हुँदा जनभावना अनुसार उक्त अबैधानिक निर्माण कार्य भत्काई समस्याको समाधान गरिएको वडाअध्यक्ष सचितानन्द के।सी। बताउँछन् ।

‘यो भत्काउने अधिकार वडालाई छ, त्यसैले हामीले भत्काएका हौं’, उनी भन्छन्, ‘क्याम्पसले आफ्नो भोकाधिकार भएको जग्गा भन्ने दावी गरेको छ । लीजमा, भाडामा दिन पाउँछौं भन्छ । तर त्यस्तो होइन । काभ्रे क्याम्पसको जग्गा मन्त्री परिषद्को  निर्णयले पूर्ववत नेपाल सरकारको नाममा नै कायम गरिएको छ ।’

शैक्षिक धरोहरलाई अगाडि बढाउने दायित्व वडाको भएकाले त्यसको संरक्षण, संवद्र्धन गर्न आफू प्रतिवद्ध रहेको पनि वडाध्यक्ष केसीले बताएका छन् । आफ्नो दायित्वबाट पन्छिन खोजिएको भने होइन उनले भने– मात्रै नियममा हिंडाउने प्रयास गरिएको हो ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार