Logo

सरकार विकासको जग हाल्दैछ : सञ्चारमन्त्री बाँस्कोटा



काभ्रेपलाञ्चोक, १९ कात्तिक : सञ्चार तथा सूचना प्रविधिमन्त्री गोकुलप्रसाद बाँस्कोटाले वर्तमान सरकारले समृद्ध नेपाल, सुखी नेपाली बनाउने अभियानका लागि विकासको जग हालिरहेको बताउनुभएको छ । नेपाल कम्युनिष्ट पार्टी (नेकपा) काभे्रपलाञ्चोक, भुम्लु गाउँपालिका कमिटीको कार्यालय उद्घाटन तथा शुभकामना एवं भेटघाट कार्यक्रमलाई आज सम्बोधन गर्दै उहाँले विकासको जग पूरा हुन लागको बताउनुभयो ।

मन्त्री बाँस्कोटाले विकासको मुख्य हकदार स्थानीय तह विकासको महान् अभियानमा दत्तचित्त भएर अगाडि बढ्नुपर्नेमा जोड दिदैं “आफ्नो ठाउँमा के के गर्नुपर्ने हो, छलफल गरी स्थानीय सरकारसँग समन्वय गरी सहयोग गर्नुस्”, भन्नुभयो । सङ्घीय सरकारले प्रदेश हुँदै स्थानीय तहमा विकासका बजेट पठाउने तथा स्थानीय तहका आन्तरिक बजेटबाट संयुक्तरुपमा विकास काम हुन्छ, उहाँले भन्नभुयो, “विद्युत् उत्पादन, विमानस्थल, पानी जहाज, मोनो र मेट्रो रेल, विशेष आर्थिक क्षेत्रलगायत योजनामध्ये केही विकासका चरण छन् भने केही शुरु भइसके, यिनीहरु एकै वर्षमा बन्दैनन्, समय लाग्छ ।”

मन्त्री बाँस्कोटाले सरकारले गाउँपालिका, नगरपालिका, उपमहानगरपालिका, महानगरपालिका तथा प्रत्येक वडाका लागि रु एक करोड पुग्ने गरी भवन निर्माण गर्न यस वर्ष रु ३० अर्बभन्दा बढी रकम व्यवस्थापन गरेको उल्लेख गर्दै २०७६ सालभित्र सबै भूकम्पपीडितलाई छानोमुनि ल्याइने गरी पुनः निर्माणको कामलाई गति दिइने बताउनुभयो । यसैगरी मन्त्री बाँस्कोटाले आजै मण्डन देउपुर नगरपालिकास्थित ज्याम्दीमा ज्याम्दी फुटबल युनाइटेड एशोसिएशनद्वारा सञ्चालित जिल्लास्तरीय फुटबल प्रतियोगिताका विजयी पाँचखालको लामा स्टार क्लबलाई पुरस्कार तथा पदक प्रदान गर्नुभयो ।
-रासस

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार