Logo

महानगर प्रमुख दाहाल सरसफाइ अभियानमा



चितवन, १९ कात्तिक : भरतपुर महानगरलाई सफा र सुन्दर बनाउने अभियान स्वरुप प्रमुख रेनु दाहाल स्वयं सरसफाइ अभियानमा जुट्नु भएको छ । हरेक सोमबार बिहान ७ बजेदेखि एक घण्टासम्म प्रमुख दाहालको नेतृत्वमा सरसफाइ गरिँदै आएको छ । आज बिहान पनि प्रमुख दाहाल स्वयं सरसफाइमा सरिक हुनुभइ नगरवासीलाई सन्देश प्रवाह गर्नु भएको छ । आज नगरपालिका ढोकादेखि शहीदचोकसम्म सरसफाइ गरिएको छ ।

सरसफाइ कार्यक्रममा प्रमुख जिल्ला अधिकारी जीतेन्द्र बस्नेतसहित सशस्त्र प्रहरी, ट्राफिक प्रहरी, स्थानीय जनप्रतिनिधि, व्यवसायी एवं सरसफाइका क्षेत्रमा काम गरिरहेका अभियानकर्मीको उपस्थिति थियो । महानगरपालिकाले विभिन्न सरसफाइका क्षेत्रमा काम गरिरहेका संस्था, नागरिक अगुवाको सहयोगमा यो अभियानलाई साप्ताहिकरुपमा हरेक सोमबार गर्दै जाने जनाएको छ ।

महानगर प्रमुख दाहालले बजार क्षेत्रमा गरिएको सरसफाइसँगै व्यवसायीलाई अभियानका बारेमा जानकारी दिइएको बताउनुभयो । “फोहर गर्ने व्यवसायीलाई खबरदारी गरेका छौँ”, दाहालले भन्नुभयो, “जनसमुदाय तथा व्यवसायीलाई आफ्नो फोहर नगर्न अपिल गरेका छौँ । आग्रह नमान्ने, अटेर गर्नेलाई प्रचलित कानूनअनुसार कारवाही गरिने छ ।” महानगरमा दैनिक ६५ टन फोहर सङ्कलन हुँदै आएको छ । महानगरको वातावरण शाखा प्रमुख इञ्जीनियर विराट घिमिरेले मुख्य शहरी क्षेत्रमा मात्रै ४० टनभन्दा बढी फोहर सङ्कलन हुने गरेको बताउनुभयो ।
-रासस

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार