Logo

कर्णाली प्रदेशसभाको ३८औँ बैठक स्थगित



सुर्खेत, २३ असोज : कर्णाली प्रदेशसभाको दोस्रो अधिवेशनको ३८औँ बैठक स्थगित भएको छ । बैठक सञ्चालन भएको तीन मिनेटमै प्रतिपक्षी दल नेपाली काङ्ग्रेसका सांसद दिनबन्धु श्रेष्ठले सरकारले अहिलेसम्म बजेटको रातो किताब, हालसम्म भएका गतिविधि सार्वजनिक नगरेको भन्दै बैठकमा विरोध जनाउनुभयो । सभा सदस्य श्रेष्ठले अहिलेसम्म संसद्लाई बन्धक बनाइएको आरोप लगाउनुभयो ।

“लामो समय भयो । सरकारले रातो किताब उपलब्ध गराएको छैन”, उहाँले भन्नुभयो, “अतिआवश्यक विधेयकसमेत सरकारले नलल्याउँदा हामी सबै संसद् कामविहीन भएका छौँ ।” बजेट सञ्चालन कसरी भइरहेको छ भन्ने थाह नहुँदा जनप्रतिनिधिका हिसाबले जनतालाई जानकारी गराउनसमेत समस्या भएको उहाँको गुनासो थियो । सरकारको कामप्रति जनताको असन्तुष्टि रहेको भन्दै उहाँले अहिलेसम्म भए गरेका गतिविधिका बारेमा मुख्यमन्त्रीले जवाफ नदिएसम्म संसद् अवरुद्ध हुने चेतावनी दिनुभयो । डिजिटल प्रदेश भनिए पनि सबै जनता यसको पहुँचमा आउन नसकेको उहाँको टिप्पणी थियो ।

विधेयक प्रस्तुत हुन सकेन
आज बसेको प्रदेशसभा बैठकमा प्रतिपक्षी दलका सांसदले बैठक अवरुद्ध गरेपछि “गाउँसभा तथा नगरसभा सञ्चालनका लागि व्यवस्था गर्न बनेको विधेयक, २०७५” सभामा प्रस्तुत हुन सकेन ।

उक्त विधेयक छलफलका लागि आन्तरिक मामिला तथा कानूनमन्त्री नरेश भण्डारीकोतर्फबाट भूमि व्यवस्था, कृषि तथा सहकारीमन्त्री विमला केसीले प्रस्तुत गर्ने कार्यसूची रहेको थियो । अवरुद्ध बैठक बुधबार १ बजेसम्मका लागि स्थगित गरिएको प्रदेश सचिवालयले जानकारी दिएको छ ।
-रासस

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार