Logo

काभ्रेको बुढापोखरीमा नयाँ विद्यालय भवन



धुलिखेल/पनौती नगरपालिकाको वडा नम्बर १ स्थित बुढापोखरीमा नयाँ विद्यालय भवन निर्माण गरिएको छ ।

भूकम्पले ध्वस्त पारेको जनज्योती प्राथमिक विद्यालयको ६ कोठे पक्की भवन निर्माण गरिएको छ । भूकम्प प्रभावित जिल्लाहरुको जीवनस्तर सुधार कार्यक्रम अन्तर्गत टिडिएच जर्मनीको आर्थिक सहयोग र ग्रामीय समाज कल्याण संघ (आर्सो) नेपालको समन्वयमा भवन निर्माण सम्पन्न भएको हो ।

नवनिर्मित भवनको शनिबार राष्ट्रिय सभाका अध्यक्ष गणेश तिमल्सिनाले उद्घाटन गरेका थिए । १ करोड ३६ लाख लागतमा विद्यालय भवन निर्माण भएपछि स्थानीयहरु हर्षित भएका छन् । ‘हाम्रा स–साना बालबालिका पढ्ने विद्यालय भूकम्पले ध्वस्त पारेपछि अब नयाँ भवन बनाउन सकिदैँ होला भनेर निकै चिन्तित भएका थियौँ, विद्यालय ब्यवस्थापन समितिका अध्यक्ष कृष्ण बहादुर श्रेष्ठले भने ‘यो विद्यालय भवन निर्माणमा सहयोग गर्ने संस्थाको जतिनै मैले प्रशंसा गरेपनि अपुरो नै रहन्छ ।’

नयाँ विद्यालय भवनकै आगँनमा स–साना बालबालिका छमछमी नाचे । अभिभावक भेला भएर खुशी साटा साट गरे । आखैँ अगाडी आफू पढ्ने विद्यालय भत्किएको देखेका बालबालिकाहरु निकै खुशी देखिन्थे । भूकम्पले विक्षिप्त बनेको मनमा नयाँ विद्यालय भवन बनेपछि केहि हर्ष थपिएको उनीहरुको मुहारमा छाएको चमकबाटै देखिन्थ्यो ।

विद्यालयमा ६१ जना बालबालिका अध्ययनरत रहेका छन् । भूकम्पछि पठनपाठनको अवस्था सम्झिदैँ विद्यालयका प्रधानाध्यापक विष्णु मगरातीले भने ‘यतिका बर्ष बर्खायाम र चिसो महिना त निकै कष्टसँग बित्यो । सबै कक्षाका बालबालिकालाई दुईवटा कोठामा राखेर पढाउनु पर्दाको अप्ठ्यारो साच्चिकै सम्झना योग्य छ । अब भवन अभावको बहाना बनाएर पठनपाठन कुनै पनि हालतमा रोकिदैँन् । अभिभावकहरुले पनि खबरदारी गर्नुपर्छ ।’

भवन उद्घाटन कार्यक्रम टिडिएच जर्मनीका नेपाल प्रमूख श्याम श्रेष्ठले समयमै विद्यालय भवन निर्माण सकिएमा खुशी ब्यक्त गरे । ‘विद्यालय समयमै निर्माण सकिएको छ, उनले भने ‘अब यो भवनको संरक्षण गर्ने सबैको दायित्व हो ।’

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार