Logo

काङ्ग्रेस सुध्रिएर अघि बढ्नुपर्छ : नेता पौडेल



दमौली, २० असोज: नेपाली काङ्ग्रेसका वरिष्ठ नेता रामचन्द्र पौडेलले काङ्ग्रेस सुध्रिएर अघि बढ्नुपर्नेमा जोड दिनुभएको छ । नेपाली काङ्ग्रेस भानु नगर समितिले दशैँ, तिहार, छठ, नेपाल संवत्का अवसरमा आज भानु नगरपालिका–१ मा आयोजना गरेको शुभकामना आदानप्रदान तथा चियापान कार्यक्रममा उहाँले भन्नुभयो, “काङ्ग्रेसभित्र भएका कमीकमजोरीलाई सच्याएर अघि बढ्नुपर्छ ।”

वरिष्ठ नेता पौडेलले गफ मात्रै गर्ने काङ्ग्रेसभन्दा कर्मशील काङ्ग्रेस आजको आवश्यकता हो भन्दै कम्युनिष्ट बिग्रेलान् र काङ्ग्रेस बन्छ भन्ने मानसिकता त्याग्नुपर्ने बताउनुभयो । “कम्युनिष्ट बिग्रेर काङ्ग्रेस बलियो हुने होइन”, उहाँले भन्नुभयो, “आफँैभित्र भएको कमजोरी सुधार्दै बलियो बन्नुपर्छ ।”

नेता पौडेलले काङ्ग्रेसलाई सही ढङ्गले अघि बढाउन पार्टीभित्र सङ्घर्ष जारी रहेको उल्लेख गर्दै सङ्घर्षले सफलता मिल्ने विश्वास व्यक्त गर्नुभयो । एउटा चुनाव हारे पनि राजनीति नहारेको भन्दै उहाँले काङ्ग्रेसको सङ्गठनले चुनाव हारे पनि सिद्धान्तले भने जितेको बताउनुभयो । हरेक परिवर्तनको नेतृत्व काङ्ग्रेसले गरे पनि अहिले चुनाव हारेपछि समृद्धिको नेतृत्व काङ्ग्रेसले गर्न नपाएको उहाँको भनाइ छ ।

नेता पौडेलले देशमा अहिले भ्रष्टाचार, हत्या, हिंसा बढेको उल्लेख गर्दै यसको नियन्त्रणमा सरकार असफल भएको आरोप लगाउनुभयो । “चाडपर्वका क्रममा जनतामाथि महङ्गी थोपारिएको छ, वाइडबडी खरिदमा भ्रष्टाचार भएको छ, बूढीगण्डकी विनाप्रतिस्पर्धा जिम्मा दिइएको छ”, उहाँले भन्नुभयो, “यसको नियन्त्रणका लागि सरकार असफल भएको छ ।”

काङ्ग्रेसका केन्द्रीय सदस्य शङ्कर भण्डारीले आफ्नै पार्टीभित्रको कमजोरीले काङ्ग्रेसले पराजय बेहोरेको बताउँदै तनहुँमा छ सिट नै गुमाएको विषयमा छलफल हुन नसके भोलिलाई समेत अप्ठ्यारो पर्ने भएकाले यसतर्फ गम्भीर हुनुपर्नेमा जोड दिनुभयो । अरु बेला काङ्ग्रेस भन्ने तर चुनावमा काङ्ग्रेसलाई हराउन खोज्ने प्रवृत्ति अन्त्य हुनुपर्ने बताउँदै उहाँले दुई तिहाइको दम्भमा न्यायालय, कर्मचारी र प्रहरी प्रशासनलाई आतङ्कित पार्ने काम नगर्न सरकारलाई आग्रह गर्नुभयो ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार