काठमाडौँ, २० असोज: नेपाली काँग्रेसका सभापति शेरबहादुर देउवाले सुदुरपश्चिम प्रदेशको राजधानी परिवर्तन गरेकोमा आपत्ति जनाउनुभएको छ । शनिबार काठमाडौंमा आयोजित कार्यक्रममा सभापति देउवाले दुई तिहाईको दम्भमा सरकारले आर्थिक चलखेल गरेर प्रदेश राजधानी सारेकोमा आपत्ति जनाउनुभएको हो ।

वातावरणीय लगायतका सबै हिसावले उपयुक्त नभएको ठाउँमा सुदुरपश्चिम प्रदेशको राजधानी तोकिएको भन्दै प्रदेश सरकारको निर्णयको विरुद्धमा उत्रन कार्याकर्तालाई देउवाको निर्देशन थियो । रुख काट्ने र ऐश आराम गर्ने नियतका साथ कैलालीको गोदावरीमा सुदुरपश्चिम प्रदेशको राजधानी तोकिएको सभापति देउवाको आरोप थियो ।