Logo

सर्लाहीमा बस दुर्घटना–दुईको मृत्यु, २३ घाइते



सर्लाही, ३० भदौ : सर्लाही ब्रह्मपुरी गाउँपालिकामा शनिबार साँझ भएको बस दुर्घटनामा दुई जनाको मृत्यु भएको छ भने २३ जना घाइते भएका छन् ।

मृत्यु हुनेमा ईश्वरपुर नपा–९ का २६ वर्षीया नथुनी राय यादव र सोहि स्थानका १९ वर्षीया अञ्जु साह रहेको प्रहरीले जनाएको छ ।

ब्रह्मपुरी गाउँपालिकाको त्रिभुवननगरबाट ईश्वरपुर जाँदै गरेको ना २ ख ८००३ नंको बस ब्रह्मपुरी–१ महदेवा पोखरीनजीक साँझ ५ः३० बजे दुर्घटना भएको थियो ।

दुर्घटनामा परी घाइते भएकाहरुको सर्लाही अस्पताल मलङ्गवामा उपचार भइरहेको छ । घाइते हुनेमा अधिकांश महिला छन् ।

घाइते हुनेमा चन्द्रनगर गाउँपालिका मोहनपुरका ४० वर्षीया सलिमा खातुन, ५५ वर्षीया रबिया खातुन, ईश्वरपुर नपा–९ खैराका ३६ वर्षीया देवकी साह, ४५ वर्षीया शान्ति देवी, १६ वर्षीया अंशुकुमारी मिश्रा, २२ वर्षीया निभादेवी ठाकुर, ईश्वरपुर रामनगरका २५ वर्षीय अमित ठाकुर, ४५ वर्षीया उर्मिला साह, ईश्वरपुर अनसनमाका ६५ वर्षीया जलजलिया देवी महरा, २४ वर्षीय मनोज साह, ५५ वर्षीया प्रमशिला महरा, ईश्वरपुरर–११ करमुहानका ३० वर्षीया समुन्द्री देवी, २४ वर्षीया अञ्जुदेवी साह, ४५ वर्षीया उर्मिला ठाकुर, ब्र्रह्मपुरी गापा–६ का ४२ वर्षीया जुलेखा खातुन, चन्द्रनगर बिर्ताको ७० वर्षीय वाजुल लहेरी, चन्द्रनगर गापा–१ का ३५ वर्षीया मञ्जुदेवी चौधरी, ७२ वर्षीया कलसियादेवी बैठालगायत छन् ।

घाइते मनोज साहका अनुसार बाटोमा धेरै खाल्डाखुल्डी भएका कारण बसको बायाँ पट्टा भाँचिएका कारण बस दुर्घटनामा परेको थियो । पट्टा भाँचिएको ठाउँबाट केही अगाडि गएपछि बस दुर्घटनामा परेको उहाँले जानकारी दिनुभयो ।

बाटोमा भएको खाल्डाखुल्डी पुर्न नदीबाट गिट्टी निकाल्न खोज्दा प्रशासनले रोक लगाएकाले खाल्डाखुल्डी पुर्न नसकेका कारण बस दुर्घटना हुन पुगेको सर्लाही क्षेत्र नं १ का प्रतिनिधिसभा सदस्य प्रमोद साहको आरोप छ ।

प्रजिअ र सर्लाहीका सुरक्षा निकायका प्रमुखसँग पटक पटक बैठक गरी बाटो मर्मतका लागि नदीबाट गिट्टी निकाल्न दिन आग्रह गर्दा पनि माथिको आदेश भन्दै नमानेकाले बस दुर्घटना हुन पुगेको उहाँले बताउनुभयो ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार