Logo

बाघको दाह्रा निकासीको अभियोगमा दुई पक्राउ



रसुवा, २४ भदौ : बाघको दाह्रा चीनतर्फ निकासी गर्न खोजेको अभियोगमा दुई व्यक्ति पक्राउ परेका छन् । जिल्ला प्रहरी कार्यालय रसुवाका प्रहरी निरीक्षक एवं निमित जिल्ला प्रहरी प्रमुख ओमप्रकाश वाग्लेका अनुसार पक्राउ पर्नेमा नुवाकोट जिल्ला किस्पाङ गाउँपालिका–३ बस्ने वर्ष ४२ का मङ्गलबहादुर घले र रसुवा गोसाईकुण्ड गाउँपालिका–२ बस्ने ५३ वर्षीय कामी तामाङ रहेका छन् । घलेलाई केही दिन अगाडि र तामाङलाई आज बिहान नियन्त्रणमा लिइएको हो ।

बा६ख ४९४२ नम्बरको कन्टेनर डिब्बाको गियर बक्सभित्र राखी चीनतर्फ लान लागेको चार वटा बाघको दाह्रासहित चालक घलेलाई प्रक्राउ गरिएको र चालक घलेको बयानका आधारमा तामाङ संलग्न भएको आशङ्कामा सोधपुछका लागि पक्राउ गरिएको निमित्त प्रहरी प्रमुख वाग्लेले बताउनुभयो । प्रहरीद्वारा पक्राउ गरी ल्याइएको बाघको चार थान दाह्रा आठ सेन्टीमिटर लामो भएको र परीक्षणका लागि विधि विज्ञान प्रयोगशालामा पठाइ ओखेटोपहार मुद्दाअन्तर्गत अनुसन्धान जारी रहेको लाङटाङ राष्ट्रिय निकुञ्जका सूचना अधिकारी सूर्य खडकाले बताउनुभयो ।

चालकले दिएको बयानका आधारमा आरोपित एकजना पक्राउ गर्न सफल भए पनि अन्य दुई जनाको भने प्रहरीबाट खोजी कार्य तीब्र पारिएको निमित प्रहरी प्रमुख वाग्लेले बताउनुभयो । सवारी साधन जाँच गर्ने आधुनिक उपकरण नहुँदा तस्करहरुले सवारी साधनका विभिन्न भागमा लुकाई गैर कानुनी कार्य गर्न थालेपछि नेपाल प्रहरीले निगरानी कार्यलाई तीब्र पारिएको बताइएको छ ।

सुन प्रकरणपछि नेपाल चीनको उत्तरी सिमाना रसुवागढीबाट मोटरसाइकल तथा साना सवारी साधन केरुङ जान प्रहरीले रोक लगाएपछि अहिले सामान आयात निर्यात गर्ने कन्टेनर डिब्बाका विभिन्न भागमा लुकाई तस्कर गर्न थालेकाले झोला, शरीर र सवारी साधनका विभिन्न भाग परीक्षण कार्यलाई थप तिब्रता दिइएको प्रहरीले जनाएको छ ।

करेन्ट लागेर मृत्यु
यस्तै चालु विद्युत् लाइनमा बत्ती बनाउन लाग्दा दक्षिणी रसुवाको सरमथली क्षेत्रमा करेन्ट लागेर एक युवाको मृत्यु भएको छ । शनिबार साँझ करेन्ट लागेर मृत्यु भएका नौकुण्ड गाउँपालिका–४ सरमथली इलाकाको देउराली डाँडा निवासी २३ वर्षीय बुद्धिमान गोम्बुको शव परीक्षणका लागि आज त्रिशुली अस्पताल पठाइएको निमित प्रहरी प्रमुख वाग्लेले जानकारी दिनुभयो ।
-रासस

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार