Logo

प्रदेश सरकारले गति लिन थाल्यो : मुख्यमन्त्री पौडेल



हेटौँडा, ८ भदौ : प्रदेश नं ३ का मुख्यमन्त्री डोरमणि पौडेलले प्रदेश सरकारले जनअपेक्षा अनुसारको कामको गति लिन थालेको बताउनुभएको छ । प्रदेश सरकारले सम्पादन गरेका कार्यबारे जानकारी दिन आज मुख्यमन्त्री कार्यालय हेटौँडामा आयोति पत्रकार सम्मेलनमा मुख्यमन्त्री पौडेलले समयअघि सम्म कानूनको अभावका कारण काम गर्न समस्या भए पनि अब नमूना काम गर्दै प्रदेशलाई समृद्ध बनाउने प्रतिबद्धता व्यक्त गर्नुभयो ।

प्रदेश अन्तर्गतका सबै निकायलाई व्यवस्थित बनाउँदै उहाँले प्रदेश तहमा हालसम्म १४ वटा कानून प्रदेशसभाबाट पास भएको, पाँच वटा विधेयक प्रदेशसभामा दर्ता गरिएको, १२ विधेयकका लागि मन्त्रालयबाट सैद्धान्तिक सहमति तथा मन्त्रिपरिषद्बाट सैद्धान्तिक स्वीकृति भएको र पाँच वटा कार्यविधि मन्त्रिपरिषद् स्वीकृत भई कार्यान्वयनमा ल्याइएको जानकारी दिनुभयो ।

प्रदेश परियोजना बैङ्क निर्माण गर्न अध्ययन भइरहेको जानकारी दिँदै प्रदेशसभामा गत आवको चालू बजेट स्वीकृत गराएको र यस आवकोे प्रदेश सरकारको नीति, कार्यक्रम र बजेट पेश गरी पारित भएको बताउनुभयो । सरकारका तर्फबाट देवानी तथा फौज्दारी संहिता ऐन, २०७४ का सम्बन्धी जानकारी तथा छलफल गरिएको बताउँदै मुख्यमन्त्री पौडेलले मन्त्रालयहरुबाट यस आवको नीति तथा कार्यक्रम र बजेट कार्यान्वयनमा अघि बढेको जानकारी दिनुभयो ।

त्यस्तै प्रदेश सरकारबाट बजेटमा व्यवस्था गरिएको स्थानीय तहका लागि सशर्त अनुदानको पहिलो किस्ता रकम निकासा गरिएको जानकारी दिँदै उहाँले प्रदेश सरकारका तर्फबाट पोष्टबहादुर बोगटी भीमफेदी—कुलेखानी सुरुङ मार्ग निर्माण कार्य नबढेकाले सम्झौता खारेजीमा लैजाने प्रक्रिया शुरु गरेको बताउनुभयो । छरिएर रहेका बस्तीहरुलाई एकीकृत नमूना बस्ती विकासका लागि जग्गा प्राप्तिसम्बन्धी कार्य प्रारम्भ गरिएको मुख्यमन्त्री पौडेलले जानकारी दिनुभयो ।
-रासस

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार