६५ वर्षीय बृद्धले ४ वर्षीया बालिकालाई करणी गर्दै गर्दा रंगे हात पक्राउ
नवलपरासी, २ भदौ : नवलपरासीमा ६५ वर्षीय एक बृद्धले ४ वर्षीया बालिकालाई करणीको प्रयास गरेको आरोप लागेको छ। प्रतापपुर गाउँपालिका ९ मा एक वृद्धले ४ बर्षे बालिकालाई करणी गर्दै गर्दा रंगे हात पक्राउ गरेको बताएका छन्।
स्थानीय ४ वर्षीया बालिकालाई करणी गर्दै गरेको अवस्थामा बालिकाका आमाले देखेपछि ती ६५ वर्षीय दरोगा थारुलाई स्थानीयले पक्राउ गरी प्रहरीलाई बुझाएका हुन्। घटनाबारे थप अनुसन्धान भईरहेको र बालिकालाई मेडिकल परीक्षणका लागि पठाइएको इलाका प्रहरी कार्यालय बेलाटारीले जनाएको छ।
घटनाबारे अनुसन्धानका कार्य पुरा भएपछि मुद्दा दर्ता गरिने छ। इलाका प्रहरी कार्यालय बेलाटारीका अनुसार सो इलाकामा एक वर्ष भित्र यो घटना सहित करणीका ८ वटा घटना भएको छ।
