JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.
Logo

प्रदेश ३ को राजधानी बनेपा, आइटी पार्कमा मुख्यमन्त्रीको कार्यालय : सांसद हुमागाई



चुनावका बेला काभ्रे जिल्लाका प्रदेश र प्रतिनिधिसभाका उम्मेवादहरुले काभ्रेलाई प्रदेशको राजधानी बनाएरै छाड्ने प्रतिबद्धता जनाएका थिए । तर अहिले अस्थायी राजधानी मकवानपुरको हेटौडा तोकिएको छ । मूख्यमन्त्री, मन्त्री, सभामुख, उपसभामुखले सथप हेटौँडाबाट नै लिइसकेका छन् । अब त्यो बेला जनाएको प्रतिबद्धता अनुसारको काम हुन्छ कि, हुदैन भन्ने बहस चलिरहेको छ ? यसै सन्दर्भमा काभ्रे प्रनिधिसभा निर्वाचन क्षेत्र नम्बर २ प्रदेश (ख) का सांसद बसुन्धरा हुमागाईसँग गरेको कुराकानी

काभ्रे नै किन प्रदेशको राजधानी हुनुपर्छ ?
सबैभन्दा पहिलो कुरा सबैलाई पायक पर्ने ठाउँ हुनुपर्छ । हाम्रो प्रदेशमा रहेका १३ वटा जिल्लाहरुको पायक पर्ने ठाउँ भनेको काभ्रे नै हो ।

सबै भनेको प्रदेश सासंदहरुलाई पायक पर्ने ठाउँ ?
राजधानीमा आउने सांसद मात्रै होइनन् । विभिन्न काम लिएर १३ वटा जिल्लाकै नागरिकहरु मन्त्रालय आउनुपर्ने हुन्छ । र उपत्यकाका ३ वटा जिल्लालाई छुट्याएर हेर्दा काभ्रे नै उत्तम विकल्प हो प्रदेशको स्थायी राजधानीका लागि । समृद्ध प्रदेश बनाउन आवश्यक पर्ने सबै चीज उपलब्ध गराउन काभ्रे जिल्ला तयार छ । हामी यहाँबाट निर्वाचित प्रदेश सांसदहरु त्यसको समन्वय गर्न कुनै कसुर बाँकी राख्ने छैनौं ।

काभ्रेलार्य प्रदेश राजधानी बनाउने तपाईहरुले के कस्तो पहल गर्नुभएको छ त ?
सबैभन्दा पहिलो कुरा अहिले हामी प्रदेशको संसद चलाउने नियमावली बनाउने तयारीमा छौ । विधिवत रुपमा केही कानुन, नियमावली र नियमहरु पास गर्र्छौँ । त्यो अबको वैठकले गर्छ । त्यसपछि विभिन्न नीतिगत प्रस्तावहरु सदनमा पेस हुन्छन् । त्यसैमा प्रदेश राजधानी सार्ने प्रस्ताव पनि हामी काभ्रेली प्रदेश सांंसदहरुले लैजान्छौँ ।
प्रस्ताव लैजानुभन्दा अघि राजधानी उपत्यकाका प्रदेश सांसदसँग घनीभूत रुपमा छलफल गर्दछौँ । अन्य जिल्लाका सांसदहरुसँग हाम्रो एकचरणको छलफल भइसकेको छ । उहाँहरु सबै सकारात्मक हुनुहुन्छ । विधिवत् ढंगबाट दुई तिहाईभन्दा बढी सांसदहरुको संख्याले काभ्रेमा राजधानी सार्र्ने निर्णय गर्छ ।

भौगोलिक रुपमा त काभ्रे नै हुनुपर्छ भन्नुभयो अन्य आधार पनि छन् कि ?
भौगोलिक सुगमता एउटा पाटो हो । विश्व विद्यालय पनि यहीं छ । पर्यटनका हिसाबले यो ठाउँ अति उत्तम छ । केन्द्रीय राजधानीबाट नजिकको जिल्ला हो । त्यत्ति मात्रै होइन, प्रदेशको वैठक सकेर माननीयहरु केन्द्रीय मन्त्रालयसम्म काम गर्न एकैदिन भ्याउनु हुन्छ । जुन अहिले हेटौँडाबाट सम्भव छैन् ।

हेटौँडामा काभ्रेका कुनै पनि प्रदेश सांसदले कोठा पनि नखोजेको पाइयो किन ?
हामी राजधानी नै आफ्नै जिल्लामा सार्ने तयारीमा जुटिरहेका छौँ । कोठा खोजेर पाउने बेलासम्म त हेटौँडाबाट राजधानी काभ्रे सरी सकेका हुन्छौं ।

अस्थायी राजधानी ल्याउन त सक्नु भएन अब स्थायी राजधानी बन्छ भनेर कसरी काभ्रेलीले विश्वास गर्ने ?
हो, हामीले मात्रै होइन नेपाली काँग्रेसका साथीहरुले पनि चुनावका बेला भनेका थिए । कामचलाउ सरकारकै प्राविधिक टोलीले पनि हेटौँडालाई सिफारिस गरेको अवस्था थिएन । तर त्यो बेला हामी निर्णय गर्ने ठाउँमा थिएनौँ । अहिले हाम्रो पक्षमा उपत्यका भित्र मात्रै होइन चिवतनका प्रदेश सांसदहरुले समेत खुलेर समर्थन जनाउनु भएको छ । त्यही भएर अस्थायी होइन स्थायी राजधानी काभ्रे हुन्छ । प्रदेशको राजधानीका विषयमा पार्टीको ह्वीप लाग्दैन् । हामी मान्ने पक्षमा पनि छैनौ । काभ्रेली जनतालाई चुनावका बेला हामीले बोलेका कुरा पूरा हुन्छ भन्नेमा ढुक्क हुन आग्रह गर्दछु ।

अब आश प्रदेश राजधानीको मात्रै छ, मन्त्री चाँहि एकजना पनि नपाउने भयो हैन काभ्रेले ?
हाम्रो दावी मन्त्रीमा हँुदै होइन । हामीले प्रदेशको मन्त्री हुन्छौँ भनेर भोट मागेका पनि थिएनौँ । हामीलाई मन्त्रीको लोभ पनि छैन । हाम्रो एकमात्रै चाहना भनेको प्रदेश राजधानी काभ्रे हुनुपर्छ भन्ने हो । हाम्रो मुख्य माग नै त्यही थियो । अहिले पनि त्यही छ । यो विषयबाट हामी पछि हट्दैनाँै । हामी कुनै प्रकारको समिति, उपसमितिको प्रमूख, उपप्रमूख पदमा अल्झिएर बस्दैनौँ ।

मन्त्रीको लोभ नभएको की पहुँच नपुगेको ?
यसलाई तपाईले जसरी ब्याख्या गर्न पनि पाउँनुहुन्छ । त्यो तपाईको ठाउँमा छ । तर वास्तविक कुरा के हो भने हामीले समग्र जिल्लाको समृद्धिको पक्षलाई हेर्ने हो । प्रदेश राजधानी बसिसकेपछि त्यो पूरा हुन्छ ।

राजधानीको भइहाल्यो भने केन्द्र चाँहि कुन ठाउँ तोक्नुहुन्छ ?
प्रदेश नम्बर ३ को स्थायी राजधानीको केन्द्र काभ्रेको बनेपामा हुन्छ । आइटीपार्कमा मूख्यमन्त्रीको कार्यालय रहन्छ । त्यसपछि जिल्लामा रहेका विभिन्न सरकारी कार्यालयहरुलाई प्रयोगमा ल्याएर हामी मन्त्रालयको भौतिक पूर्वधार तयार गर्छौँ ।

बनेपालाई नै किन प्रदेशको स्थायी राजधानी हुनुपर्छ भनेर लविङ गरिरहनुभएको छ ?
आइटीपार्क बनेपा, धुलिखेल र पनौती नगरपालिकाको संगम स्थान हो । यो ठाउँमा मूख्य मन्त्रीको कार्यालय रहन्छ । र तीन वाटै नगरपालिकामा मन्त्रालयहरु स्थापना हुन्छन् । त्यसो हुँदा क्षेत्रगत रुपमा हेर्दा नि प्रदेशसभाका तीनवटा क्षेत्रमा मन्त्रालय विस्तार हुन्छन् । त्यो एउटा भौगोलिक हिसाबले पनि हामीलाई साथ दिएको छ ।

प्रदेशको मुकाम सञ्चालन गर्न भौतिक पूर्वाधार पुग्छन् त ?
भौतिक पूर्वाधारको ब्यवस्थापन गर्न हाम्रो जिल्ला तयार छ । नयाँ भवन तत्काल बनाइ हाल्नुपर्ने अवस्था छैन । हामीसँग भएका शैक्षिक तालिम केन्द्र, जिल्ला शिक्षा कार्यालय, पशुसेवा कार्यालयमा मन्त्रालाय सञ्चालन गर्न सकिन्छ ।

प्रतिक्रिया दिनुहोस्

आजबाट विद्यालय सञ्चालन गर्न पनौती नगरपालिकाको मापदण्ड तयार

पनौती १५ असोज : काभ्रेको पनौती नगरपालिकाले विद्यालय सञ्चालन गर्नको लागि मापदण्ड तयार पारेको छ

विद्यार्थी सिकाई सहजीकरण गर्न धुलिखेल नगरपालिकाको आग्रह

धुलिखेल १३ असोज : धुलिखेल नगरपालिकाले विद्यार्थी सिकाई सहजीकरण निर्देशिकाको प्रक्रिया र मापदण्ड पालना गरी

पाँचखालका विद्यालयमा पठनपाठन सुरु

धुलिखेल ५ असोज : पाँचखाल नगरपालिका भित्र रहेका नीजि तथा सरकारी विद्यालयहरुमा पठनपाठन सुरु भएको

काभ्रे तेमालका सबै शिक्षकहरुको निःशुल्क कोरोना बिमा

धुलिखेल, १७ भदौँः काभ्रेको तेमाल गाउँपालिकाले आफ्नो पालिकाभित्र कार्यरत शिक्षकको निःशुल्क कोरोना बिमा गरिदिने भएको

बेथानचोक गाँउपालिकाले बैकल्पीक शिक्षण सिकाई बन्द गर्ने

धुलिखेल २४ साउन : काभ्रेको बेथानचोक गाँउपालिकाले बैकल्पीक शिक्षण सिकाई सहजिकरण कार्यबन्द गर्ने निर्णय गरेको

महाभारत गाउँपालिकामा शिक्षकलाई कम्प्युटर तालिम

धुलिखेल २० साउन : काभ्रेको विकट क्षेत्रमा पर्ने महाभारत गाँउपालिकामा कार्यरत शिक्षकहरुलाई कम्प्युटर तालिम दिने