Logo

काभ्रेको मण्डनदेउपुरमा कालीदेवी विद्यालयले अत्याधुनिक भवन पायो, स्थानीय अभिभावक, विद्यार्थीमा खुशीयाली (फोटो फिचर)



मण्डन देउपुर । काभ्रेको मण्डनदेउपुर नगपालिकाको नौविसेमा रहेको कालीदेवी आधारभूत विद्यालयले अत्याधुनिक भुकम्प प्रतिरोधी भवन पाएको छ ।

भुकम्पले क्षति पुगेको उक्त विद्यालयलाई एसियाली विकास बैंको आर्थिक सहयोगमा निर्माण सम्पन्न भएको उक्त विद्यालय भवन वालमैत्री, अपाङ् मैत्रीयुक्त बनाइएको छ ।

विद्यालयमा खानेपानी, सौर्य उर्जा, लाइवे्रअरी, विज्ञान प्रयोगशाला समेतको सुविधा उपलब्ध छ । भुकम्पबाट क्षतिपुगेका १४ जिल्लामध्ये काभ्रेमा निर्माण गरिएको एसियाली विकास बैंकको आर्थिक सहयोगमा निर्माण सम्पन्न गरिएको यो विद्यालय पहिलो हो । विद्यालयको उद्घाटन शिक्षा मन्त्रालयका सचिव मधुप्रसाद रेग्मीले गरेका थिए । नवनिर्मित विद्यालय उद्घाटन कार्यक्रममा रेग्मीले खुला आकाशमुनि रहेका विद्यार्थीलाई सुविधासम्पन्न भवनमा अध्यापन गराउन शिक्षा मन्त्रालयले थालेको यो अभियानमा एडीवीले सहयोग गरेकामा प्रशंसा गरेका थिए ।

एशियाली विकास बैंक(एडिबी)को आर्थिक सहयोगमा विद्यालय भवन बनी व्यवस्थापन समितिलाई हस्तान्तरण हुँदै गरेको कार्यक्रममा आएका यहाँका अभिभावक, शिक्षक तथा विद्यार्थीले खुशी व्यक्त गरेका हुन् । उक्त विद्यालयका नवनिर्मित चार भवन भूकम्प आपत्कालीन सहायता आयोजनाअन्तर्गत शिक्षा मन्त्रालय, केन्द्रीय आयोजना कार्यान्वयन एकाइसँग सम्बन्धित सार्वजनिक पूर्वाधार हो । 

भूकम्पपछि पठनपाठनमा समस्या हुनाका साथै यहाँ अध्ययनरत विद्यार्थी अन्यत्र जानुपर्ने बाध्यता थियो । नयाँ भवन निर्माणसँगै नजिकै अन्य विद्यालय तथा निजी विद्यालयमा गएका विद्यार्थी पनि सोही विद्यालयमा फर्किएका छन् ।

जिल्लामा २ सय ९२ विद्यालय भवन भूकम्पबाट पूर्णरुपमा तथा १ सय ३२ विद्यालयमा आंशिक क्षति भएको थियो । ती भवन पुनर्निर्माणकै क्रममा रहेका छन् । जिल्लामा एडिबीको सहयोगमा बन्ने २८ भवन मध्येको यो नै पहिलो हस्तान्तरण गरिएको जिल्ला आयोजना कार्यान्वयन इकाई काभ्रेका प्रमुख सरदकुमार भण्डारीले बताएका छन् ।

विद्यालय व्यवस्थापन समितिका अधयक्ष बलराम सापकोटाले भूकम्पलगत्तै विद्यार्थी घटेर ५८ मा सीमित भएकामा भवन बन्ने विश्वास भएपछि यहाँ विद्यार्थी संख्या १ सय २८ पुगेको बताए ।

विद्यालय भवन हस्तान्तरण कार्यक्रममा एडिबीका देशीय निर्देशक मुख्थोर खामुदखानोभले नवनिर्मित भवनले विद्यालयका शिक्षक तथा विद्यार्थीलाई शैक्षिक क्रियाकलापमा प्रेरित गर्ने विश्वास व्यक्त गर्दै भवनको मर्मतसम्भारमा ध्यान दिन आग्रह गरेका थिए ।

मण्डनदेउपुर नगरपालिका प्रमुख टोकबहादुर वाइवाले शैक्षिक गुणस्तर वृद्धि गर्न स्थानीय तह सक्षम हुनुपर्नेमा जोड दिएका थिए । उनले भने यो मण्डन देउपुर नगरपालिकामा शिक्षा इकाई निर्माणका लागि शिक्षा मन्त्रालयले कर्मचारी नखटाएको प्रति आपत्ति जनाए ।

 

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार